විෂ මත්ද්රව්ය ව්යසනය තුරන් කිරීම සඳහා සියලුම ආයතන පොදු ජාතික සැලැස්මකට අනුව ක්රියාත්මක විය යුතු බව ජනාධිපති අනුර කුමාර දිසානායක මහතා අවධාරණය කරයි. ඒ මහතා මේ බව ප්රකාශ කළේ (ජූලි 02) ජනාධිපති කාර්යාලයේදී පැවැත්වුණු ‘රටම එකට’ ජාතික මෙහෙයුම් සභාවේදීය.
මෙහිදී සාකච්ඡා වූ ප්රධාන කරුණු සහ තීරණ මෙසේය:
ආයතනික වාර්තා කැඳවීම: මත්ද්රව්ය පිටුදැකීමට ඒ ඒ ආයතන මට්ටමින් ක්රියාත්මක කර ඇති වැඩපිළිවෙළ සහ ප්රගතිය පිළිබඳ වාර්තාවක් ඉදිරි රැස්වීමට ඉදිරිපත් කරන ලෙස ජනපති උපදෙස් දුන්නේය.
බන්ධනාගාර තදබදය: දැනට බන්ධනාගාරගතව සිටින්නන්ගෙන් 70%ක්ම මත්ද්රව්යවලට ඇබ්බැහි වූවන් බව අනාවරණය වූ අතර, ඔවුන් සම්බන්ධයෙන් ගතහැකි විකල්ප ක්රියාමාර්ග සහ කඩිනම් පුනරුත්ථාපන පනත් කෙටුම්පත ගැසට් කිරීමට අවධානය යොමු විය.
පාසල් සහ විශ්වවිද්යාල ආරක්ෂාව: පාසල් පද්ධතිය තුළ මත්ද්රව්ය ව්යාප්තිය සෙවීමට දිවයිනම ආවරණය වන පරිදි සමීක්ෂණයක් කිරීමටත්, අධ්යාපන අමාත්යාංශයේ මූලිකත්වයෙන් විශේෂ කමිටුවක් පත් කිරීමටත් තීරණය විය. පෞද්ගලික හා ජාත්යන්තර පාසල් ද මෙම වැඩපිළිවෙළට දායක කර ගැනේ.
නඩු භාණ්ඩ සහ නීති සංශෝධන: අත්අඩංගුවට ගත් මත්ද්රව්ය කඩිනමින් විනාශ කිරීම සඳහා ස්වයංක්රීය පද්ධතියක් (Automated system) හඳුන්වා දීම, රස පරීක්ෂක විමර්ශන විමධ්යගත කිරීම සහ විධිමත් වාර්තා තබා ගැනීම කෙරෙහි අවධානය යොමු විය.
ස්වයං පරීක්ෂණ කට්ටල (Self-test kits): දෙමව්පියන්ට තම දරුවන් මත්ද්රව්යවලට යොමුව ඇත්දැයි පෞද්ගලිකව පරීක්ෂා කරගත හැකි කට්ටල ඔසුසල් හරහා වෙළෙඳපොළට හඳුන්වා දීමට සාකච්ඡා කෙරිණි.
මුහුදු මාර්ග නිරීක්ෂණය: නාවික හමුදාව, පොලිසිය සහ බුද්ධි අංශ ඒකාබද්ධව විශේෂ මෙහෙයුම් දියත් කරන අතර, මත්ද්රව්ය ප්රවාහනය කරන බහුදින යාත්රා හා වාහන රාජසන්තක කිරීමේ නීති ශක්තිමත් කෙරේ.
මෙම අවස්ථාවට ත්රෛනිකායික මහා සංඝරත්නය ප්රමුඛ ආගමික නායකයන්, විෂය භාර අමාත්ය ආනන්ද විජේපාල මහතා, අමාත්යාංශ ලේකම්වරුන්, පොලිස්පතිවරයා ඇතුළු ආරක්ෂක අංශ ප්රධානීහු පිරිසක් එක්ව සිටියහ.
Be the first to comment