ආබාධ සහිත සිසුන්ට වෛද්ය, ඉංජිනේරු හෝ කෘෂිකර්ම ඇතුළු තමන් කැමති ඕනෑම ක්ෂේත්රයකින් විශ්වවිද්යාල අධ්යාපනය හැදෑරීමේ පූර්ණ අයිතිය සහ අවස්ථාව මේ වන විට උදාකර දී ඇති බව සමාජ ආරක්ෂණ හා ප්රජා සවිබලගැන්වීම් අමාත්ය ආචාර්ය උපාලි පන්නිල මහතා පවසයි.
අමාත්යවරයා මේ බව අවධාරණය කළේ ආබාධ සහිත විශ්වවිද්යාල විද්යාර්ථීන් වෙනුවෙන් ක්රියාත්මක කෙරෙන “සරසවි දිරියෝ අභිමන්” වැඩසටහනේ සමාරම්භක උත්සවයට ඊයේ (11) අරලියගහ මන්දිරයේදී එක්වෙමිනි.
‘සරසවි දිරියෝ අභිමන්’ වැඩසටහන
වත්මන් රජයේ “පොහොසත් රටක් – ලස්සන ජීවිතයක්” ප්රතිපත්ති ප්රකාශයේ ඇතුළත් “නිබාධිත සමාජ ජීවිතයක් – යුක්තිසහගත සමප්රවේශයක්” යන සංකල්පය යථාර්ථයක් කරමින් මෙම වැඩසටහන දියත් කර ඇත.
ප්රතිලාභය: ජනාධිපති අරමුදල මඟින් විශ්වවිද්යාල වරම් ලැබූ ආබාධ සහිත සිසුන් සඳහා එක්වරක් පමණක් පිරිනමන රුපියල් ලක්ෂයක ($රු. 100,000$) මූල්ය ආධාරයක් මෙහිදී හිමිවේ.
වත්මන් ප්රතිලාභීන්: මේ වන විටත් සරසවි අධ්යාපනය ලබන ආබාධ සහිත සිසුන් 370 දෙනෙකු පමණ මේ යටතේ ප්රතිලාභ ලබයි.
අනාගත සැලසුම්: ලබන වසරේ සිට විශ්වවිද්යාලයට ඇතුළත් වන සියලුම ආබාධ සහිත සිසුන්ට, ඔවුන්ගේ පළමු වසරේ සිටම මෙම මූල්ය ආධාරය ලබාදීමට පියවර ගෙන ඇත.
ජනාධිපති අරමුදල දැන් ජනතාව සතුයි
මීට පෙර දේශපාලනඥයන්ගේ පෞද්ගලික අවශ්යතා වෙනුවෙන් වැය කළ ජනාධිපති අරමුදල, මේ වන විට ජනතාවගේ අත්යවශ්ය සුබසාධන කටයුතු වෙනුවෙන් සෘජුවම යොමු කර ඇති බව ද අමාත්යවරයා මෙහිදී පෙන්වා දුන්නේය.
“කලින් ආබාධ සහිත සිසුන්ට සරසවි ප්රවේශයේදී තෝරාගත හැකි වූයේ ඇතැම් පීඨ විතරයි. නමුත් දැන් වෛද්ය, ඉංජිනේරු හෝ කෘෂිකර්ම වැනි ඕනෑම ක්ෂේත්රයකින් ඉහළටම යන්න ඔවුන්ට අවස්ථාව තියෙනවා. ජාතික, ආගමික, භූගෝලීය හෝ කායික වෙනස්කම්වලින් තොරව, සියලු පුරවැසියන්ට සමානාත්මතාවය සහ සාධාරණත්වය හිමිවන සමාජයක් හැදීමයි අපේ අරමුණ.”
– ආචාර්ය උපාලි පන්නිල (සමාජ ආරක්ෂණ හා ප්රජා සවිබලගැන්වීම් අමාත්ය)
ලිපි ප්රදානය සහ සම්භාවනීය අමුත්තන්
අග්රාමාත්ය ආචාර්ය හරිනි අමරසූරිය මැතිනියගේ ප්රධානත්වයෙන් පැවැත්වුණු මෙම උත්සවයේදී, දැනට විශ්වවිද්යාලවල ඉගෙනුම ලබන විද්යාර්ථීන් වෙනුවෙන් සංඛේතාත්මකව ශිෂ්යාධාර ප්රදාන ලිපි පිරිනැමීම සිදු කෙරිණි.
මෙම අවස්ථාවට කතානායක වෛද්ය ජගත් වික්රමරත්න, පාර්ලිමේන්තු මන්ත්රී සුගත් වසන්ත ද සිල්වා, ජනාධිපති ලේකම් ආචාර්ය නන්දික සනත් කුමානායක, අග්රාමාත්ය ලේකම් ප්රදීප් සපුතන්ත්රි යන මහත්වරුන් ද එක්ව සිටියහ.
එමෙන්ම අධ්යාපන, උසස් අධ්යාපන හා වෘත්තීය අධ්යාපන අමාත්යාංශයේ ලේකම් නාලක කලුවැව, විශ්වවිද්යාල ප්රතිපාදන කොමිෂන් සභාවේ සභාපති ජ්යෙෂ්ඨ මහාචාර්ය කපිල සෙනෙවිරත්න යන මහත්වරුන් ඇතුළු විශ්වවිද්යාල උපකුලපතිවරුන්, ආචාර්යවරුන්, දෙමාපියන් සහ විද්යාර්ථීන් විශාල පිරිසක් ද මේ සඳහා සහභාගී වූහ
Be the first to comment