සංවිධානාත්මක අපරාධකරුවෙකු ලෙස සැලකෙන නදුන් චින්තක හෙවත් “හරක් කටා” සම්බන්ධ අල්ලස් ගනුදෙනුවක් පිළිබඳ විමර්ශනයකට අදාළව අත්අඩංගුවට ගත් තිදෙනෙකු අද කොළඹ ප්රධාන මහේස්ත්රාත් අධිකරණයට ඉදිරිපත් කර තිබේ.
අදාළ සැකකරුවන් අතර හිටපු අමාත්යවරයෙකු වූ ජනාධිපති නීතිඥ විජයදාස රාජපක්ෂගේ පුත් නීතිඥ රඛිත රාජපක්ෂ, සමගි ජනබලවේගයේ හොරණ ආසන සංවිධායක චරිත් අබේසිංහ සහ ගුවන් තොටුපොළ හා ගුවන් සේවා සමාගමේ හිටපු අධ්යක්ෂවරයෙකු වූ අරුණ වර්ෂ විතාන ඇතුළත් වේ.
අල්ලස් කොමිසම සඳහන් කළේ, “හරක් කටා” ත්රස්තවාදය වැළැක්වීමේ පනත යටතේ රඳවා සිටි තත්ත්වයෙන් ඉවත් කර සාමාන්ය සිරකරුවෙකු ලෙස වෙනම බන්ධනාගාරයක රඳවා තැබීම සඳහා අපරාධ පරීක්ෂණ දෙපාර්තමේන්තුවේ නිලධාරීන්ට රුපියල් ලක්ෂ 1200ක අල්ලසක් ලබාදීමට සැලසුම් කළ බවට චෝදනා එල්ල වී ඇති බවයි.
එම සිද්ධිය සම්බන්ධයෙන් සිදුකළ විමර්ශනවල ප්රතිඵලයක් ලෙස සැකකරුවන් තිදෙනා අත්අඩංගුවට ගෙන, වැඩිදුර නීතිමය කටයුතු සඳහා කොළඹ ප්රධාන මහේස්ත්රාත්වරයා හමුවට ඉදිරිපත් කර ඇත.
මෙම සිද්ධිය සම්බන්ධයෙන් අල්ලස් කොමිසම විසින් තවදුරටත් පුළුල් විමර්ශන ක්රියාත්මක කරමින් පවතින බව වාර්තා වේ.
Be the first to comment