ගාලු පාරේ පිහිටි වසර ගණනාවක් පැරණි වෘක්ෂයක් පෞද්ගලික සමාගමක් විසින් නීති විරෝධී ලෙස කපා දැමීමේ සිදුවීමක් සම්බන්ධයෙන් කොළඹ මහනගර සභාවේ දැඩි අවධානය යොමුව තිබේ. රජයේ දේපළ විනාශ කිරීමේ චෝදනාව යටතේ අදාළ සමාගමට එරෙහිව තරාතිරම නොබලා නීතිමය පියවර ගන්නා බව කොළඹ නගරාධිපතිනි ව්රායි කැලි බල්තසාර් මහත්මිය ප්රකාශ කළාය.
තම සමාජ මාධ්ය ගිණුම ඔස්සේ අදහස් දක්වමින් ඇය අවධාරණය කළේ, පොදු දේපළවලට හානි සිදු කිරීම සම්බන්ධයෙන් එම පෞද්ගලික ආයතනය සෘජුවම වගකිව යුතු බවයි.
සංවර්ධනය හමුවේ හරිත පද්ධතිය රැකගත් අතීතය
නගරයේ පවතින හරිත පද්ධතිය ආරක්ෂා කර ගැනීමට මහනගර සභාව නිරන්තරයෙන් කැපවන බව පෙන්වා දෙන නගරාධිපතිනිය, මීට පෙර අවස්ථාවලදී කටයුතු කළ ආකාරය ද සිහිපත් කළාය:
පෙර ක්රියාමාර්ග: මෑතකදී කොටුව දුම්රිය ස්ථානය සහ දෘශ්ය හා රංග කලා විශ්වවිද්යාලය අසල තිබූ ගස් කිහිපයක් සංවර්ධන කටයුතු සඳහා ඉවත් කිරීමට සිදුවූ වුවද, ඒවා කපා දැමීමට මහනගර සභාව ඉඩ නොදුන්නේය.
නවීන තාක්ෂණය: ඒ වෙනුවට එම ගස් සූක්ෂ්ම ලෙස උදුරා (Tree Transpanting) වෙනත් ස්ථානවල නැවත රෝපණය කිරීමට පියවර ගැනුණි.
යළි රෝපණය කළ ස්ථාන: එලෙස සුරක්ෂිත කරන ලද ගස් විහාරමහාදේවි උද්යානයේ සහ ෆ්ලවර් පාරේ සාර්ථකව යළි සිටුවීමට කටයුතු කර ඇත.
ව්යාපාරික ප්රජාවගෙන් කෙරෙන ඉල්ලීම: තමන්ගේ ව්යාපාරික ස්ථානවල වෙළඳ දැන්වීම් පුවරු හෝ නාම පුවරු ආවරණය වන බව පවසමින්, නගරයේ ඇති ගස් කපා දැමීමට අවසර ඉල්ලා සිටීමෙන් වළකින ලෙස නගරාධිපතිනිය ව්යාපාරික ප්රජාවගෙන් විශේෂ ඉල්ලීමක් කරයි.
විපක්ෂයේ සහයෝගය සහ පවතින නීතිමය තත්ත්වය
මෙම සිදුවීම සම්බන්ධයෙන් අදහස් දැක්වූ කොළඹ මහනගර සභාවේ විපක්ෂ මන්ත්රී ටෝනි රම්සි මහතා ද පාලක පක්ෂයේ තීරණය අනුමත කරමින් කියා සිටියේ පවතින නීති රීතිවලට අනුව බෝ ගස් සහ පොල් ගස් වැනි ශාක කපා දැමීම සපුරා තහනම් කර ඇති බවයි.
මෙලෙස පවතින නීතිමය ප්රතිපාදන උල්ලංඝනය කරමින් නීති විරෝධී අයුරින් පරිසරයට හානි කරන ඕනෑම පාර්ශවයකට එරෙහිව තරාතිරම නොබලා තදින්ම නීතිය ක්රියාත්මක කිරීමට පූර්ණ නීතිමය හැකියාව පවතින බව ද ඔහු වැඩිදුරටත් පෙන්වා දුන්නේය.
Be the first to comment