සිංහල සංස්කෘතියේ අතීතයේ සිටම බුලත් විට යනු ආගන්තුක සත්කාරයේදී මෙන්ම සාමාන්ය ජන ජීවිතයේදීත් අමතක නොවන අංගයකි. එදා අපේ මුතුන් මිත්තන් රස ගැන්වූ බුලත් විට, අද වන විට බරපතළ සෞඛ්ය ගැටලුවක් බවට පත්ව තිබේ. ඒ හේතුවෙන්, බුලත් විට සමඟ දුම්කොළ මිශ්ර කර අලෙවි කරන්නන්ට එරෙහිව දැඩි නීතිමය පියවර ගැනීමට සෞඛ්ය අංශ තීරණය කර ඇත.
ශ්රී ලංකා මහජන සෞඛ්ය පරීක්ෂකවරුන්ගේ සංගමය පවසන්නේ, දේශීය සංස්කෘතික පසුබිම සලකා මෙතෙක් කලක් මෘදු ප්රතිපත්තියක් අනුගමනය කළ ද, මින් ඉදිරියට නීතිය අකුරටම ක්රියාත්මක කරන බවයි.
ඇයි මේ තහනම?
මුඛ පිළිකා අවදානම: වසරකට මෙරටින් අලුතින් හඳුනාගන්නා මුඛ පිළිකා රෝගීන් සංඛ්යාව 1750ත් 1900ත් අතර ඉහළ අගයක් ගැනීම.
නීතිමය පසුබිම: 2006 අංක 27 දරන දුම්කොළ සහ මධ්යසාර පිළිබඳ අධිකාරි පනත සහ 2016 නිකුත් කළ ගැසට් නිවේදනයට අනුව, දුම් රහිත දුම්කොළ නිෂ්පාදන විකිණීම සහමුලින්ම තහනම් කර තිබීම.
දඩ සහ දඬුවම්
මෙම නීතිය කඩකරමින් බුලත් විට සමඟ දුම්කොළ අලෙවි කර අධිකරණයේදී වරදකරු වුවහොත්, රුපියල් 2,000ක දඩයක් හෝ මාස හයක සිරදඬුවමක් ලැබීමට ඉඩ ඇති බව මහජන සෞඛ්ය පරීක්ෂකවරුන්ගේ සංගමයේ වැඩබලන සභාපති උපුල් රෝහණ මහතා පවසයි.
වැදගත් කරුණක්
මෙම තහනම බලපැවැත්වෙන්නේ දුම් රහිත දුම්කොළ නිෂ්පාදන සඳහා පමණක් බවත්, දුම් සහිත දුම්කොළ නිෂ්පාදන සම්බන්ධයෙන් පවතින නීතිය වෙනස් නොවන බවත් සෞඛ්ය අංශ අවධාරණය කරයි. බුලත් විට වෙළෙඳුන් අපහසුතාවයට පත් කිරීමේ චේතනාවක් නැති බවත්, එකම අරමුණ ජනතාවගේ සෞඛ්ය ආරක්ෂා කර ගැනීම පමණක් බවත් ඔවුන් වැඩිදුරටත් සිහිපත් කරයි.
Be the first to comment