කඳාන පොලිස් වසමට අයත් නාගොඩ ප්රදේශයේ නිවසක් වටලා බලපත්ර නොමැති ගිනිඅවියක්, පතොරම් සහ කඩු දෙකක් ළඟ තබාගෙන සිටි 53 හැවිරිදි කාන්තාවක් විශේෂ කාර්ය බලකාය (STF) විසින් අත්අඩංගුවට ගෙන තිබේ.
ගෝනහේන විශේෂ මෙහෙයුම් ඒකකයේ නිලධාරීන්ට ලැබුණු රහසිගත තොරතුරකට අනුව පසුගිය බදාදා (01) මෙම වැටලීම සිදුකර ඇත. එහිදී අදාළ නිවසේ සඟවා තිබූ,
බලපත්ර නොමැති 12 බෝර වර්ගයේ දඩයම් තුවක්කුවක් (Shotgun)
ජීව පතොරම් 27ක්
මන්නා පිහි හැඩැති කඩු 2ක්
ආරක්ෂක අංශ භාරයට ගෙන තිබේ. සැකකාරිය සහ අත්අඩංගුවට ගත් ආයුධ තොගය වැඩිදුර විමර්ශන සඳහා කඳාන පොලිස් ස්ථානය වෙත භාර දී ඇත. ඇය මෙම ආයුධ ළඟ තබාගැනීමට හේතුව හෝ කිසියම් අපරාධ කල්ලියක් සමඟ සබඳතාවක් පවත්වන්නේද යන්න පිළිබඳව පොලිසිය පුළුල් විමර්ශනයක් ආරම්භ කර තිබේ.
විශේෂ මාධ්ය උදෘතය (Quote)
“කඳාන, නාගොඩ ප්රදේශයේ සිදුකළ විශේෂ වැටලීමකදී 12 බෝර වර්ගයේ ගිනිඅවියක්, පතොරම් 27ක් සහ කඩු දෙකක් සමඟ 53 හැවිරිදි සැකකාරියක අත්අඩංගුවට ගත්තා. මේ නීතිවිරෝධී ආයුධ ළඟ තබාගැනීමේ අරමුණ සෙවීමට කඳාන පොලිසිය වැඩිදුර විමර්ශන සිදුකරනවා.” — විශේෂ කාර්ය බලකා (STF) මාධ්ය ප්රකාශක ඒකකය
Be the first to comment